وصففف

وصف الذلول

ياطارشي من فوق حمر ظامر *** من غدو جداني عليها نصال
ماروضو رد الحضارم صعبها *** ولا وردوها لسرات اوشال
ولاهيب من ملقح دراويش العرب *** الا الصياعر اهل ربعن خال
ماتلها عقب المحق بليه *** ولا درجوها للحوار محال
ولاطبت بسوق الخساره كسحا***ولا ذاودو من دونها الدلال
فيها من صغار الادامي فزه *** اوفيها من الربد الظليم جفال
خل الجيوش المسميات لحالها***وخل بنت الصيعري لحال
اكفوفها مثل الرفوف القتره ***لاصففو من فوقهن ازحال
وعيونها اعيون المريب المجرم *** لاضيق القاضي عليه الجال
وخشيمها شم(ن)امشيم (ن)شاهق***كنه لقام ايشوم روس ادلال
غز(ن)مسامعها حمر دامعها ***لازاد لفح الريح زاد الصال
ان كانهاصنعة سداد الماهر *** خشف(ن)ايلحم في العمار اطوال
شيب(ن)محاقبهانضح غاربها ***نضحة مشاهيب(ن) على مجزال
كن المرافظ من مراويد النيا ***هرس(ن) عليها الملح الشهب سال
زرق(ن) مناسمها تروم الفرجه *** ماهي على بوج الخلى مكسال
ماكن ربي ساتر(ن) لعظامها *** من باقية باق الحم بفضال
حمر(ن) سنود سارد(ن)مستذه ***عن حد راعيها على الكربال
اقبال غارات الصقور اليا اقبلت ***واليا ادبرت جول القطى المنهال
كن المساند من شعف غاطيها *** تبرم اوكن ---عاط بين ادوال
الطلح من سانم سنمها يركز*** والصلب من هجة اخففها اهيال
كن القماش الحر بارم ذيلها ***لهتز يشبه ريشة الشوال
كن قبة زورها بنحورها *** اهرام مصر امخلدة الاعمال
مابين حد الزور ولي جنبه ***مابين ساق او ساق فالزرفال
قدامها جمر العرين امسمهر *** واخلافها تلقى البراد اذيال
كن المزاود فوقها مطاره*** على حوظ مركوب اليهود امثال
وشدادها من فوق منبوز الشحم *** اعذوق تمر م--يصي(ن) ميال
ولاكما صفرية(ن)مركوزه *** على ثلاث من الحصى في اصلال
لا كن تحليق الحقب لبطانها *** جرة حنيش(ن) في العصير تسال
يحرم على كل مورتسي(ن)بيعها ***هي جنة الدنيا هوا(ن)للبال
لا كن اثار المياسم فيها *** اثار الحرايب في اكتوف ارجال
لاكن حبل اوثوقها في شدوقها *** ندمان قرب في الابهام امغال
تسودية الدبكه وهي عمانيه *** من كل صوب(ن) تاخذ الاكمال
تطرب مع الي ساقها من غيبه *** هيجن وهي للهيجنه مقبال
الها تغناج المتركي ميزه ***ولها اعزوم التركمان انفال
تطوي سباريت الديار الباليه ***طي الكواغد يوم ينهى القال
في شدها رمي الذلول المنعمه *** او في هدها ما سرج الخيال
يازين لف اجنوبها في البيدا ***في سمهاداني الخل مشتال
برجل دوب اولا نعود للعصى ***سوق(ن) بمرهوق القدم مزهال
الي عليها من الطروش امسمنه *** حر(ن) مواتسيره على ماطال
من ضلها دارت او نارة كنها *** كرطاس تلعب به هبوب اخيال
لبدت ابمدغوم الخشيم او دبرت *** تذهل شجيع الطارشين اذهال
كنها تلقف لنجوم ابركضها *** من تحتها انياب السباع مطال
لولا الخطامي كفها عن شفها *** راحت ما راح امقيط فا الامثال
اسبق من السرحان قناص القه-- *** في سكة(ن)شاف الكمال اثمال
بين الاعروق او غايصات ارمالها ***لاكن لها فوق النمد جهجال
اليا اونست حس المهب الغربي *** ذلت او قلت كنها البلبال
ماهيب مضباح(ن) ولا رغايه *** لاقام ينقش بلقدم لرفال
خطواتها مثل النظام المنتظم *** خطوه ابخطوه ذبذبات ارسال
وليا اسمعت صوت الحمام ايغني *** كنها تهز الوسط بلهوذال
مدري خذت القطع الفيافي رقصه ***مدري على ركابها بهلال
يراكب(ن) من فوقها نحرها *** جنوب يم الواديين امغال