الفراعنه

جعل السحاب الي تلالا برقه *** عقب العشا كنه شبوب الال
وسمن موسم مستهيم(ن) نوه *** اليا بدا نجم السما كم هال
نون) رعوده فسما ملتجه *** تشدي عواذيب اوهدير جمال
ولا طبول في الحجاز امزهبه *** مر العزيز اوطبل الطبال
ولا العيار اعيار بندق رامي *** في عارضة صما حصاة (ن) عال
ولا صريخ محير جرح(ن) دامي***يهجل على حيف الصواب اهجال
نون ابروقه مثل سلات العجم *** لا سلها يوم الملاقى ابطال
ولا سنا بلورت(ن) مكسوره *** تحت ضوح مصباح(ن) وهو شغال
اونور ياقوت مابين الولو *** في عقد مملوح النبا ليال
برق(ن) يشوق الناظر المستضني *** عقب زمان (ن)فيه شح المال
تملا هماليله مغير الخضراء *** او يلحق حشاش الضلع والادغال
تلقى الاخبوب من النصوب مربعه *** يضيع بين اسيولها الغرمال
وليا تركز غيث مزنه كنه *** من تحت سمك العرش روس اجبال
وليا نزل كنه محوص(ن) دليت *** في غب عد ربعت بحبال
جبريل من حوض الخلود ايقوده *** مثل ما اتقاد النايره بقفال
من يمة المغرب نشاله منشى *** ومن يمة المشرق بنى المنزال
سوق(ن) حقوق(ن) من دفوق غارق *** من عين تحت العرش ماها سال
مزن(ن) تفتق عنه سلك ارواقه *** مستلحق غير العمام خوال
مزن(ن) من الجنه يصب الكوثر *** صبت اعيون امحزن(ن)مذهال
او صبة الي داله(ن)في روضها*** فتا فتات عزة المدهال
غيث(ن) امغيث(ن)مستحث(ن)حافي***فرحبو بلارض قبل اجيال
تغمز انصوب(ن) ساعة وتسلهم ***تفتح اعيون(ن) بلبرد همال
كن في مقاديمه ملاثم عذارى ***وكن في مواخيره اغتر ارجال
لاصب قطره فوق قفر(ن) مقفر *** كنه على القالب يصب اريال
من دكته فوق المحول العثره *** شاف العطيش الخير شوف امقال
اوتباشرت وضح(ن) تداعا نيها *** اومجاهيم (ن) اجهم من جناح ارعال
يطق شختوره صليب الرقه *** طقة اجنود(ن) لابسين ابدال
ادقاق ماها اليا تنثر فلوطا *** يشبه قشر هر--(ن) عقب مشخال
كنه لاشعشع ضوح نجم(ن)وصفه***جلباب غرو(ن) عن نحره ايشال
كن ارجوان الجوخ بشبروقه *** واصغر الحصى من طشته نبال
تلقى عثاقيل الدبق مثل العسك *** اوراس القطيفه كنه التمثال
او تلقى يباس السمر ومحيل الغضى *** يلعب معك ما يلعب الصلصال
والقاع من خيط السما ثوب(ن) كسا ***فقر النشاش او مغتني الاحوال
يرعى بها الشاوي حشاك الواعر *** اويرعى راع البل و يرعىالزبار امهال
عشب(ن)يصف الحمض وسطه صفة *** جماهير(ن)اضحت في الصفوف تغال
تلقى الندى فوق الزهور ايشادي *** عرق هنوف(ن)دارع(ن)في شال
طبت مع الخفرات ترقص كنها *** غزال(ن) على امه لاعبوه اعيال
جعله اليا بشر ابرودة مزنه *** اوجــا الوبله بينه استفحال
جعله على دار الوليف الوافي ***غرو(ن)غرير(ن) واعر المدخال